Dýralækningastofa Helgu Finnsdóttur

Snemma í vor bar á því, að hundar fengju niðurgang og stundum fylgdu uppköst með. Í flestum tilfellum varð hundurinn ekki lasinn og gekk þetta yfir á nokkrum dögum.

Í byrjun var því um kennt að hundurinn hefði étið eitthvað miður hollt, gleypt geitung eða orðið kalt. En með haustinu varð ljóst að ekki var eingöngu því um að kenna, því „eitthvað“ annað virtist vera í gangi, því þrír hundar, aðallega óbólusettir hvolpar, höfðu drepist. Í ljós kom við krufningu að dánarorsökin var smáveirusótt (parvó). Embætti yfirdýralæknis ákvað að láta kanna hvað væri á seiði og hver tíðni niðurgangstilfellanna væri. Í samráði við smádýralækna var ráðist í taka saursýni frá þeim hundum sem veiktust. Dýralæknarnir sendu inn saursýni og í mörgum tilfellum leiddi rannsókn í ljós, að um smáveirusótt var að ræða. Fjöldi sýna sem hefur verið rannsakaður er eitthvað inna 5o alls og mörg þeirra sýndu jákvæða svörun við smáveiruprófi.

Þeir hundar sem komið hefur verið með hingað á stofuna, hafa allir náð sér án annarrar meðferðar en að hafa verið settir á sjúkrafæði. Alltaf er hringt með hunda sem hafa niðurgang og jafnvel uppköst. Eðli málsins samkvæmt getur verið erfitt að komast að því hvað veldur og oftast á kvillinn sé eðlilegar skýringar.

Eins og staðan er í dag er sem betur fer engin ástæða til að hafa áhyggjur og niðurgangstilfellunum fækkar jafnt og þétt. Mikilvægt er hins vegar að hundeigendur gæti þess vel að viðhalda bólusetningum hunda sinna, en það er öruggasta vörnin gegn smitandi veirusjúkdómum.